Welcome to my litle part of cyberspace

Fluttur

2008-03-16T23:12:00.002Z

Jæja þá er bloggið mitt vonandi að komast á endanlegt heimili, heima hjá mér :P en bloggið mitt er flutt áwww.seoman.net/blog

Þessi eini lesandi minn sem beðið hefur í ofvæni eftir fréttum af mér í bráðum heilt ár, nú er allt að gerast :D

Fólk í framboði

2007-05-07T23:00:00.000Z

Var að enda við að horfa á kynningu á stjórnmálaflokkunum, það er fyrstu tveimur þáttunum sem sýndir verða fyrir kosningarnar til að kynna fyrir hvað flokkarnir standa, ágætir þættir svo sem en misgóðir.

Þáttur VG var um margt áhugaverður með svona soldið heimatilbúnum hughrifum, það er maður átti að fá á tilfinninguna að ekki væri um auglýsingu fyrir flokkinn að ræða heldur verk áhugamanna um stefnu og störf flokksins og heppnaðist það bara nokkuð vel. Þar voru tekin viðtöl við 4 frambjóðendur ofarlega á listum VG og gaman að hlusta á þau kynna sín mál, en eitt þótti mér miður, eins og mér finnst mikið koma til Katrínar Jakobsdóttur sem frambjóðanda finst mér því miður að hún var ekki alveg nógu skýrmælt í þessum þætti. :-( Ekki að hún hafi ekki komið málefnum sínum á framfæri á skýran og góðan hátt eins og hennar er von og vísa heldur það að framburður okkar ástkæra og ylhýra. Ef einhver sem les þetta þekkir hana má viðkomandi endilega koma því til skila að það sé skemmtilegra að heyra hana tala þegar hún ber öll atkvæði orðanna fram.

Þáttur Sjálfstæðisflokksins aftur á móti einum of "framleiddur", byrjaði á rosalegri teiknimynd þar sem þulur fór yfir stefnu flokksins og hverju hann hefur áorkað í stjórnartíð sinni og undir dunaði taktföst tónlist, mjög vel gert og allt það. Síðan var stokkið beint í viðtal við Geir H. Haarde, þetta viðtal var að mínu mati ekki nógu gott, flæðið í viðtalinu var engan vegin nógu smurt, spyrjandinn hefur annað hvort ekki verið alveg nógu vel þjálfaður eða það sem mér finnst sennilegra að þarna hafi verið um að ræða að einungis hafi verið ein myndatökuvél á staðnum og til að ná klippingum milli andlits spyrjandans og Geirs hafi fyrst verið teknar upp allar spurningarnar, myndavélin svo færð og svörin tekin upp.

Að því leyti tókst VG nú talsvert betur upp, viðtölin voru meira lifandi og betra flæði í þeim. Nú er bara að sjá hvort maður nennir að horfa á þætti hinna flokkanna, allavega frekar ósennilegt að ég nenni að horfa á kynningarþætti Framsóknar- og Ný-framsóknar- manna.

P.S. 7 dagar til stefnu áður en allt þarf að vera tilbúið :P

Sannfæring mín efld enn frekar :D

2007-05-06T17:31:00.000Z

Já ég tók próf á netinu sem á að útlista með nokkrum einföldum spurningum hvað maður á að kjósa í komandi alþingiskosningum. Niðurstaðan kom mér svo sem ekki á óvart nema að því leyti að maskínan vildi meina að það hentaði mér jafn vel að kjósa Vinstri græna og Samfylkinguna sem er bara engan vegin rétt.

Ný-framsóknarstefna Samfylkingarinnar gengur aðallega út á að veiða atkvæði þeirra sem kjósa eftir því hvað er vinsælt að tala um þann daginn og slíkur rekstur á stjórnmálum virkar ekki til lengri tíma.

Einnig kom mér á óvart að maskínan vildi meina að í næst efsta sæti hjá mér ætti að vera Íslandshreyfingin, en það passar ekki alveg við þær skoðanir sem ég hef myndað mér sjálfur en að öðru leyti verð ég að segja að þessi vél er nokkuð vel útfærð hvað mínar skoðanir varðar.

Alltaf gaman að svona framtaki til að lífga upp á lífið og til að treysta óbilandi trú manns á því að maður sé að velja rétt samkvæmt sinni sannfæringu :D

Annars er það eitt sem mér finnst miður skemmtilegt í þessu þjóðfélagi hvað varðar kosningar og það er að fólk sem hefur ekki skoðun skuli frekar sleppa að fara á kjörstað heldur en að skila inn auðum seðlum, (sem reyndar eru taldir með ógildum en það er efni í allt aðra og lengri umræðu) það er nefnilega lýðræðisleg skylda hvers þegns að taka þátt í vali á nýrri stjórn hvort sem það er með því að skila auðu eða kjósa rétt og hér er rétt að sjálfsögðu það sem passar manns eigin skoðunum best.

Góða skemmtun og munið að kjósa um næstu helgi

You Are 38% Evil

2007-01-02T19:14:00.000Z

You Are 38% Evil

A bit of evil lurks in your heart, but you hide it well.
In some ways, you are the most dangerous kind of evil.

How Evil Are You?

Should trusted computing be trusted?

2006-10-27T10:48:00.000Z

Hér er myndband sem ætti að vekja flesta til umhugsunar en þó sér í lagi þá sem hafa áhuga á tölvunarfræði.

Það er nefnilega soldið vafasöm spurning þegar fyrirtæki fara að stjórna því hvað er trausts vert og hvað ekki því þá eru allar líkur á að það sem er ekki í hag fyritækjanna sé það sem verður ótraustsvert, en ekki það sem er ekki í hag notandans.

Fyrsti fótboltaleikurinn á ævinni!

2006-10-04T21:26:00.000Z

Ég var í fyrsta skipti á ævinni áhorfandi á fótboltaleik, meira að segja fór á völlinn að hvetja KF Nörd gegn FH. Það verður nú að segjast að til að byrja með virtist þetta nú vera leikur kattarins að músinni því að í fyrri hálfleik skoruðu FH 8 mörk gegn 1 marki Nördanna, en svo virtist vera að Nördarnir hafi fengið einhverja svakalega vítamín sprautu í háflleik því þeir byrjuðu eftir hálfleikinn af svaka krafti og náðu að skora þónokkur mörk og endaði leikurinn með því að Nördarnir skoruðu 5 mörk gegn 11 mörkum FH. Go Nerds! :P

Annars var þetta nú bara mjög skemmtilegt, gaman að sjá hversu mikil múgsefjun fylgir svona leikjum og verð ég nú að segja að það er merkilegt að skipuleggjendur svona atburða séu ekki ennþá farnir að átta sig á því að það þarf BÍLASTÆÐI þegar mikill áhorfendaskari mætir á einn blett, hvað hefur tuðruspark verið stundað lengi á Íslandi? Er ekki kominn tími til að átta sig á því að það þyrfti að tvö til þrefalda bílastæðafjölda kringum laugardalsvöll, nú eða sem mér þykir eðlilegra flytja völlinn eitthvað þar sem er pláss fyrir mannvirkin OG bílastæði sem þarf

10 vikur!!!!

2006-10-02T20:39:00.000Z

Jasso, ótrúlegt hvað tíminn líður hratt

Time's fun when you're having flies - Haraldur kunningi minn

Ég var að átta mig á því að það eru liðnar 10 vikur í dag síðan ég byrjaði í Boot camp og verð ég að segja að þetta hefur verið skemmtilegasta líkamsrækt sem ég hef farið í :D árangurinn hefur heldur ekki látið á sér standa, 7kg farin og þrekið alltaf að aukast :D

Blogthings - How Weird Are You?

2006-04-25T23:47:00.000Z

Og svo þetta líka :-o
Blogthings - How Weird Are You?: "

You Are 50% Weird

Normal enough to know that you're weird...
But too damn weird to do anything about it!

How Weird Are You?

Blogthings - What Does Your Sleeping Position Say About You?

2006-04-25T23:33:00.000Z

Magnað hvað maður getur tekið próf um :-P

Blogthings - What Does Your Sleeping Position Say About You?: "

What Your Sleeping Position Says

You are calm and rational.
You are also giving and kind - a great friend.
You are easy going and trusting.
However, you are too sensible to fall for mind games.

What Does Your Sleeping Position Say About You?

Lestrarfrestun

2006-04-14T14:55:00.000Z

Nú getur maður heldur betur fundið sér eitthvað til dundurs annað en það sem maður á að gera þessi leikur er þess eðlis að þegar manni leiðist mikið getur maður dundað sér við að reyna að vinna hina ýmsu hluti í boði Heineken á Íslandi.

Suma daga er maður feginn að nota ekki debetkort

2006-03-30T18:44:00.000Z

Ég varð vitni að atviki í búðinni áðan sem mér finnst soldið fyndið þó ég hefði ekki viljað vera í sporum konunnar sem varð fyrir þessu, en vonandi lærir hún eithvað af þessu :P

Viðkomandi var að kaupa í matinn sem er ekki í frásögur færandi, en hún virðist tilheyra þessum hópi íslendinga sem telur debetkort vera sniðugustu uppfinninguna síðan einhver fann upp á því að skera brauð í sneiðar og helst að taka út umfram þegar maður borgar á kassanum. En semsagt hún bað um að fá 2000 kr framyfir, nema að kassastarfsmaðurinn gerði þau mistök að slá inn einu núlli of mikið þannig að hann tók 20 þúsund krónur fram yfir og upphófust nú mikil vandræði starfsmanna um hvernig ætti að bregðast við þessu, þar sem verslunarstjórinn var ekki við var eina sem hægt var að gera að borga konunni 20 þúsund krónur í peningum úr kassanum.

Þetta var nú soldið óþægilegt fyrir konugreyið þar sem hún hafði ekki hugmynd um hver staðan á reikningnum væri og því ekki viss um hvort hún færi á FIT, þökk sé þessum frábæru heimildakerfum sem kassakerfi í verslunum nota að þá er semsagt hægt að taka 20 þúsund krónur umfram heimild út í svona kerfum alveg án athugasemda fyrr en daginn eftir þegar bankinn sendir viðkomandi gulan miða með FIT kostnaði upp á 2.600kr auk dráttarvaxta upp á 22%.

Þetta kannski kennir þessari konu að nota ekki kassastarfsmenn sem gjaldkera fyrir bankann sinn heldur nota frekar hraðbanka til að taka út peninga og hætta þessu debetkortabulli. 15kr á færsluna er bara rán sér í lagi þar sem það er MUN ódýrara fyrir bankann að fólk noti debetkort heldur en þegar tékkar voru skrifaðir út frítt um allan bæ, og sennilega líka ódýrara fyrir bankann að fólk notar debetkort en ekki allir landsmenn mæti í bankann til að taka út pening í hvert sinn sem þörf er á.

Hlæjum nú soldið saman að fólkinu sem stundar þessa umframtöku á debetkortinu sínu :D

Próóóóóf

2006-03-30T16:21:00.000Z

Jæja þá er þessari miklu verkefnatörn lokið og nú tekur við próflestur á fullu, enda 3 próf í næstu viku með gervigreind strax á mánudag svo koma tölvusamskipti og dreifð kerfi í á miðvikudag og laugardag. Sem betur fer fæ ég svo rúmlega viku milli prófa eftir það, ekki veitir af til að æfa sig soldið í stærðfræðinni.

QuizFarm.com :: What is your Perfect Major? (PLEASE RATE ME!!<3)

2006-03-13T16:01:00.000Z

Rakst á þetta próf á blogginu hennar Sifjar og langaði að sjá hvort þetta passaði betur fyrir mig en hana, og viti menn miðað við þetta passar ágætlega við mig :D

You scored as Chemistry. You should be a Chemistry major! As if that isnt clear enough, you are deeply passionate about Chemistry, and every single chemical reaction and concept fascinates you. Pursue that!

Engineering

83%

Chemistry

83%

Biology

75%

Mathematics

75%

Philosophy

75%

Journalism

58%

Psychology

50%

English

50%

Dance

42%

Theater

42%

Sociology

25%

Anthropology

25%

Art

25%

Linguistics

17%

What is your Perfect Major? (PLEASE RATE ME!!<3)
created with QuizFarm.com

Eurovision hvað!!!!

2006-02-02T11:32:00.000Z

Í gærkvöldi þá bað vinkona mín mig að finna fyrir sig Eurovision-lag Silvíu Nætur, sem hún hafði heyrt einhversstaðar, ég maldaði smá í móinn enda ekki mikið fyrir Eurovision-lög, eins og vel flestir sem ég þekki geta vitnað fyrir um, og hvað þá að ég nenni að hlusta á eða leita að einhverjum undankeppnislögum, ég hef sagt það áður og ég segi það enn 99% af froðupoppi fer í taugarnar á mér.

Nú til að gera stutta sögu aðeins lengri þá er þessi vinkona nú í dálitlu uppáhaldi hjá mér þannig að ég lét til leiðast, fyrst maður var nú búinn að finna lagið á annað borð þá var nú eiginlega ekki annað hægt en að kanna hvað væri svona æðislegt við þetta lag. Viti menn þetta var þá eftir allt óhljóðblönduð demo-upptaka, þá fannst mér nú eiginlega taka steininn úr. Hvers vegna er maður að eyða púðri í eitthvað óhljóðblandað rusl. Allavega er það mín reynsla af demo-upptökum, sound-ið alveg ömurlegt, hljóðfærin yfirgnæfa hvert annað og erfitt að hlusta á.

Fyrsta sem mér datt í hug þegar lagið hófst: úff yfirkeyrt píanó-sound og og hljóðið mestmegnis úr vinstri hljóðrásinni.

En nei ekki aldeilis, hljóðið bara frekar þétt og fínt, allavega ekki mikið lakara en margt sem maður heyrir fara á geisladiska af svona froðupoppi, lagið greip mig við fyrstu hlustun og textinn er náttúrulega bara óborganlegur. Þessi yfirgengilegi hroki sem Silvía Nótt er þekkt fyrir skín skemmtilega í gegn í viðlaginu "Til hamingju Ísland, með að ég fæddist hér!" Þetta er náttúrulega bara tær snilld og söngurinn hjá Ágústu er rosalega góður og til að byrja með hélt ég að hún væri að syngja gegnum vocalizer þar sem ég hef ekki heyrt í henni áður og hún nær að halda röddinni í karakter allt lagið. En eftir að hafa grafið aðeins komst ég að því að hún sé mjög góð söngkona og sé meðal annars söngkona í hljómsveitinni Ske.

Ég held það sé óhætt að segja að það sorglegasta við þetta lag er að því skuli hafa verið lekið út á netið og því möguleiki að því verði hafnað í aðalkeppninni á þeirri forsendu að það hafi ekki heyrst í fyrsta skipti í forkeppni á Íslandi. Það er allavega mín skoðun að þetta er með betri "Eurosvision-lögum" sem ég hef heyrt í langan tíma og á fullt erindi í keppnina.

Reyndar eins og ég sagði áður þá er froðupopp og Eurovision-tónlist engan vegin það sem ég hlusta á, þannig að það er kannski ekki að marka mitt álit, mér fannst til dæmis lagið hans Páls Óskars alger snilld.

En það er alveg á tæru að Silvía Nótt fær mitt atkvæði á laugardag.

Leiðbeiningar fyrir ketti!!!

2006-01-16T01:38:00.000Z

Ég rakst á þessa síðu, Guidelines for Cats eftir James S. Huggins og ég verð að segja alveg eins og er að allir sem hafa átt kött geta hlegið soldið að þessu því þetta lýsir hegðun katta frekar skemmtilega

Find your inner Smurf!

2006-01-15T14:12:00.000Z

Find your inner Smurf!: "
Find your inner Smurf!"

Ég veit nú ekki hvort maður á að hlæja eða gráta yfir þessari niðurstöðu :P

Spyware samsæri

2006-01-11T18:29:00.000Z

Ég mæli með að allir sem nota Windows að staðaldri lesi þessa grein, Mark's Sysinternals Blog: The Antispyware Conspiracy, þetta er orðin löng þörf umræða, og þarna er farið yfir það meðal annars hvers vegna vélar hjá fólki fara oft jafn illilega í klessu og raun ber vitni.

Hetja!!!

2006-01-02T19:27:00.000Z

Í dag benti vinkoan mín mér á síður þessarar hetju og fyrsta sem ég hugsaði var að ég var að vinna með þessari stelpu og ef ég hefði ekki séð þetta blogg hefði hún sennilega orðið móðguð við mig ef við hittumst á því ég mundi ekki þekkja hana. :$

Ég verð að segja að mér finnst Kolla ótrúlega hugrökk fyrir að blogga svona um sína reynslu í þessari baráttu, ég er ekki viss um að ég hefði lagt í það í hennar sporum. Svo finnst mér aðdáunarvert að leggja svona á sig og hún er rosaleg hetja í mínum huga.

Alltaf gaman að sjá eitthvað svona jákvætt svona til að gera daginn betri <:0)

*Faðmar Kollu með öllu afli*

Go Kolla ;)

Rizzo Pizzeria

2006-01-02T14:08:00.000Z

Þetta, Rizzo Pizzeria, held ég að verði að flokkast með verri hönnun á vefsíðum sem ég hef rekist á lengi, en einn skólafélagi minn benti mér á þetta í haust og ég er ekki ennþá farinn að fatta hvað mönnum gengur til með þessu. Matseðillinn er til þess að gera vel uppsettur en hvernig væri að setja einhverjar frekari upplýsingar eins og til dæmis hvar þeir eru til húsa og hvað síminn hjá þeim er þannig að maður geti nú pantað sér pizzu hjá þeim en þetta eru með betri pizzum sem ég hef smakkað, eldbakaðar og fínar. En svona til að þú lesandi góður getir sannfærst um að þetta séu góðar pizzur ætla ég að láta fylgja hér símann hjá þeim ásamt heimilisfangi.

Síminn er 5-777-000 og eru þeir til húsa í Hraunbæ 121, ég mæli með að þið prófið þessar næst þegar ykkur langar í pizzu þær eru snilld :D

PS. ætli maður geti fengið þóknun fyrir að koma þessum upplýsingum á framfæri, mér þætti ekkert leiðinlegt að fá svona eins og eina pizzu fyrir að upplýsa fólk um þetta :P

Nýtt ár hafið

2006-01-02T13:44:00.000Z

Nú er kominn tími til að bretta upp ermar! Nýársheitið í ár er að vera duglegri við lærdóminn en ég hef verið fram að þessu, prófa til dæmis til tilbreytingar að gera verkefnin ekki á síðustu stundu. Það er líklegt til árangurs ;)

Annars hafði ég það mjög gott um jólin, borðaði oft nánast yfir mig og slakaði vel á með jólabækurnar og hlustaði á Ampop diskinn minn í tætlur, verð að segja að hann er kannski full easy listening. Við fyrstu hlustun fannst mér hann mjög skemmtilegur en eftir að hafa haft hann nánast stöðugt á repeat síðan á jóladag þá finnst mér hann ekki alveg vera að halda athyglinni, en það finnst mér mjög gjarnan vera einkenni á plötum sem manni finnast góðar við fyrstu hlustun. En ætla samt ekki að draga úr því að mér finnst þessi diskur samt mjög góður ;)

Besti ljóskubrandarinn

2006-01-02T13:42:00.000Z

Ég rakst á þetta hjá Bjarna Rúnari fyrrum vinnufélaga mínum þessi brandari er þess virði að skoða hann :P

QuizFarm.com :: How are you in bed

2005-12-26T23:13:00.000Z

QuizFarm.com :: How are you in bed: "

You scored as A Slave To BDSM. Admit it, you like being tied up and being told you've been very naughty. You like teasing your partner and making them squirm, and not letting them be able to do anything about it. Some people think what you do is sick and disgusting, but you know it's all in good fun.

"

A Slave To BDSM

93%

Sex God

80%

A Romantic

43%

Virgin

Kvefuð jól

2005-12-22T21:12:00.000Z

Ég þoli ekki kvef, þessa vikuna hef ég verið svo stíflaður af kvefi að ég hugsa ekki einu sinni rétt. Þegar vinkona mín sendi mér skrýtlu í dag þá mislas ég hana og hélt að botninn í henni væri einhver skrýtin auglýsing sem oft fylgir sms-um sem send eru gegnum vefgáttir símafyrirtækjanna og var síst að skilja hvaða ósmekklega fyrirtæki auglýsti með orðinum "Jólasveinninn er ekki til!"

Svo til þess að reyna að ná kvefinu úr mér gleypi ég núna eitthvað eðal amerískt kvefmeðal sem er með einhverri vafasömustu viðvörun sem ég hef séð á nokkrum lyfja pakka sem ekki krefst lyfseðils.

"If you consume 3 or more alcoholic drinks every day, ask your doctor wether you
should take acetaminophen or other pain relievers/fever reducers."

Ég verð nú að viðurkenna að í barnaskap mínum hélt ég að ef maður neytti að jafnaði 3 eða fleiri áfengra drykkja DAGLEGA þá væri líklega kominn tími til að athuga lífsmunstrið frekar en að hafa áhyggjur af kvefi og/eða hausverk, því sennilega væri mjög sennilega hægt að minnka líkur á hvorutveggja með þeirri einföldu aðgerð að minnka drykkjuna.

Annars verð ég nú að viðurkenna að mér finnst voða lítið orðið jólalegt :( það er kannski svolítið sökum þess að nú bý ég í nýju húsi og það eru ekki nema 2 dagar síðan eldhúsinnréttingin var kláruð svo að eldhúsið var formlega tekið í notkun í kvöld og svo eru kassar og drasl úti um allt, svo nú ætla ég að halda áfram að reyna að koma húsinu í skikkanlegt ástand fyrir jólin og mögulega kemst maður í eitthvað jólaskap fyrir miðnætti annað kvöld.

Hafið það gott og gleðileg jól

Blogthings - What Are The Keys To Your Heart?

2005-12-12T18:08:00.000Z

The Keys to Your Heart

You are attracted to those who have a split personality - cold as ice on the outside but hot as fire in the heart.

In love, you feel the most alive when things are straight-forward, and you're told that you're loved.

You'd like to your lover to think you are stylish and alluring.

You would be forced to break up with someone who was ruthless, cold-blooded, and sarcastic.

Your ideal relationship is open. Both of you can talk about everything... no secrets.

Your risk of cheating is zero. You care about society and morality. You would never break a commitment.

You think of marriage something you've always wanted... though you haven't really thought about it.

In this moment, you think of love as something you can get or discard anytime. You're feeling self centered.

What Are The Keys To Your Heart?

Time Cube

2005-12-01T15:57:00.000Z

Þessi síða, Time Cube, er svakaleg. Talandi um að einn maður sé með mikilmennskubrjálæði af verstu sort hehe. Skrifa meira að segja undir sumar stríðsfyrirsagnirnar sínar sem "Wisest Human" og fullyrðir að allir aðrir menn séu heimskir.

Blogthings - What Kind of Kisser Are You?

2005-11-25T14:58:00.000Z

You're an Expert Kisser

You're a kissing pro, but it's all about quality and not quantity
You've perfected your kissing technique and can knock anyone's socks off
And you're adaptable, giving each partner what they crave
When it comes down to it, your kisses are truly unforgettable

What Kind of Kisser Are You?

Kaffihúsaspekingströll!!!

2005-11-13T14:37:00.000Z

Þú ert vanafastur, yfirvegaður innipúki.

Kaffihúsaspekingar eyða minni tíma á kaffihúsum en viðurnefni þeirra gefur til kynna. Þeir drekka ekki einu sinni allir kaffi. Þeir eru ekki einu sinni allir spakir. Af hverju kallast þeir þá kaffihúsaspekingar? Svarið er einfalt. Speki þeirra minnir oft á kaffi latte. Hún er froðukennd. Kaffihúsaspekingurinn nýtur sín best í góðra vina hópi og stundum segir hann eitthvað gáfulegt - þótt það sé ekki nema bara út af því að hann talar svo mikið.

Hvaða tröll ert þú?

Ég er nú ekki viss um að ég sé þessu alveg sammála! En þetta er eitthvað próf sem ég fann á blogginu hennar Önnsku, verð að segja að hennar lýsing á betur við hana en mín á við mig.

Leiðbeiningar fyrir stelpur sem langar að deita nörda :P

2005-11-10T10:24:00.000Z

Ég hnaut um þessa síðu áðan A Girl's Guide to Geek Guys, mér finnst þetta alveg snilldarlesning og sumt af þessu er reyndar alveg satt :P

Hnjótum áfram um vefinn!

2005-11-09T11:36:00.000Z

Mér var bent á skemmtilegt forrit nýlega sem hjálpar manni að hnjóta um vefinn, Stumble er tækjastika í vafrann, hún er til fyrir IE og Firefox og sennilega fleiri vafra, með henni er hægt að fá óvæntar vefsíður sem maður gæti haft áhuga á að skoða. Þegar maður sækir stikuna þarf maður að skrá sig á vefnum hjá þeim sem gefa hana út og haka við hvaða efnisflokkar maður gæti haft áhuga á að fá síður úr. Svo þegar maður skoðar vefinn getur maður gefið upp hvernig manni líkar við síðuna sem maður er að skoða þá stundina, ef maður er fyrstur til að gefa einkunn á síðuna sem maður er að skoða þá er maður beðinn um lýsingu á henni, svo er einkunnagjöfin sem maður gefur notuð til að benda á síður sem öðrum sem gáfu síðunni svipaða einkunn líkaði vel við.

Nokkrar áhugaverðar síður sem ég hef hnotið um með þessum hætti eru:

Bush-Blair nett grín að Bush og Blair
MathWorld hvað langar þig að vita um stærðfræði?
Skytopia sjónrænar brellur
Kynning á quantum computers þetta lýsir sér sjálft :P
http://www.merzo.net/index.html
Eric Myer vefur með cool tóli þar sem maður getur raðað saman andliti úr efri og neðri part
Learning the Shell Fyrir þá sem langar að læra að nota skeljarviðmót í Linux
Brauð þessi einstaklingur varpar fram staðreyndum sem eru e.t.v. alveg réttar en kemst að rangri niðurstöðu

Nú og svo fékk ég þetta sent í pósti áðan og er áhugaverð lesning um bögga í tölvukerfum, spurning samt hvort olíuleiðsla Sovíetmanna eigi heima þarna þar sem, miðað við textann, þessum bögg var komið fyrir af ásettu ráði og því frekar um tilætlaða virkni að ræða en bögg.

Háfrónska !!!!

2005-11-08T22:31:00.000Z

Sko erum við íslendingar ekki nógu merkilegir með okkur fyrir, er háfrónska virkilega það sem þarf til að við getum hreinlega sprungið úr monti? Annars er þetta drepfyndin lesning og mæli ég með því að allir sem hafa húmor fyrir þessu :P

Samsæriskenningar af "bestu sort"

2005-10-31T18:02:00.000Z

Nú er það þannig að í gegnum tíðinna hef ég hitt fyrir menn sem leita sér að samsærirkenningum af öllum gerðum og finna sig knúna til að segja mér af þeim af mikilli innlifun og eru þess handvissir að kenningarnar séu hinn heilagi sannleikur. Þetta, Captain's Blog, hins vegar rakst ég á áðan og verð ég að segja að þessi kappi held ég að toppi allar kenningar sem ég hef heyrt fram að þessu.

Hann hefur líka greinilega "overdoze-að" á nördahættinum og telur sig vera skipherra einhverrar kynslóðar af geimskipinu Enterprise, sem Star Trek nördar ættu að þekkja vel, það er nú eitt að hafa gaman af ævintýrum og vísindaskáldsögum, jafnvel að láta sig dreyma um hvernig væri að lifa í slíkum heimi en að vera þess fullviss að maður geri það er "too much" allavega fyrir mína parta.

Hins vegar held ég að þeir á veðurstofunni hefðu nú ekkert á móti að geta stjórnað veðrinu, þá gætu þeir haft snjó á skíðasvæðum allt árið, hlýtt og vindalítið í þettbýli og það veður sem hentar bændum í dreifbýli, þá væri sko gaman að lifa. Miðað við þessa samsæriskenningu þá virðast það vera Mexíkóbúar sem ráða yfir þessari frábæru tækni, hvernig væri að senda nefnd frá veðurstofunni til Mexíkó að semja um afnot að þessum búnaði :D

Svona allir út að leika í góða veðrinu

AdSense

2005-10-31T16:47:00.000Z

Ákvað að prófa AdSense og sjá hvernig það höndlar íslenskuna þar sem það er ekki gefið upp að velja íslensku þegar maður sækir um :P

Uppfærsla: AdSense vildu ekki samþykkja íslensku sem kemur mér ekki á óvart en það mátti reyna :P

Bleikt og Blátt /b&b / NÝTT Bleikt & blátt

2005-10-31T16:10:00.000Z

Jæja ég var að fá í hendurnar nýjustu útfærsluna af hinu góðkunna blaði Bleikt og blátt en nú hefur því heldur betur verið breytt í þá mynd sem rauðsokkur réðust gegn fyrir rúmu ári síðan. Því nýja blaðið er orðið að argasta klámblaði, ekki að ég hafi neitt að því að fá blað sem fjallar um kynlíf inn um lúguna hjá mér.

Mér finnst bara fyndið að þegar Fróði breytti um stefnu á blaðinu og gerði það mildara réðust kvennréttindakonur gegn því með þeim orðum að þær vildu ekki þurf að horfa á klám þegar þær versluðu sér í matinn (tek mér höfundarleyfi til að umorða þetta smá), allt gott og blessað með það en greinilega er það bara þannig að eina útgáfan á þessu blaði sem selst er klámútgáfa.

Ég tek bara undir með liðsmönnum Bloodhound Gang og segi "Hooray For Boobies"

Hver man ekki eftir Carmen Sandiego

2005-10-31T12:12:00.000Z

Ef þú spilaðir "Were in the World is Carmen Sandiego" sem krakki, og jafnvel ef þú spilaðir hann ekki, þá gætiru haft gaman að þessu Brewster Jennings Protects America: The Google Map Hunt Game þarna er búið að búa til samskonar leik ofan á Google Maps, algjör snilld og getur eflaust verið hressilegur tímaþjófur.

Skemmtið ykkur

Ekki lagast það maður :/

2005-10-26T18:25:00.000Z

Hér eru svo niðurstöðurnar í hvaða stýrikerfi ég er

Which OS are You?

Familiar to most já

2005-10-26T18:06:00.000Z

Hún Annska var svo elskuleg að senda mér slóðina á próf sem gaf mér þessa niðurstöðu:

Which File Extension are You?

Eru Microsoft að reyna að breyta sögunni?

2005-10-25T19:47:00.000Z

Já sumt kemur manni á óvart, en samt ekki Microsoft hafa sýnt það gegnum tíðina að þeir ætla sér að eiga heiminn með góðu eða illu. En ég get samt ekki gert að því að velta fyrir mér hvernig menn leggja í að breyta hausum á vefsíðum sem þeir ekki eiga og fífla leitarvélar, því minn skilningur er sá að slíkt sé í raun ólöglegt, alla vega að breyta hausum á síðum í annarra eigu.

Svo er þetta náttúrulega alltaf spurning um hversu siðblindir geta menn verið, en ef þessar ásakanir eiga við rök að stiðjast þá fer ég nú að leggjast á sveif með Kató gamla (Einari félaga mínum) um að það sé bráðnauðsynlegt að splundra þessu fyrirtæki upp í einingar. Ég er hins vegar sannfærður um að ef það verður ekki gert með dómi þá gerist það að sjálfu sér alveg á sama hátt og með Rómarveldi til forna. Nú þegar er farið að fréttast að eitthvað af starfsmönnum séu farnir að finna sér aðra vinnu, en 5 eða 6 manns telst nú ekki mikið í fyrirtæki með 9000+ forritara. Hins vegar eru seinagangur og vandræði við útgáfu nýrra kynslóða forrita gott vitni um að ekki er allt með feldu og líklegt að breytinga sé að vænta.

Það er nú líka einhvern vegin þannig að þegar fólk talar um IBM sem ægilega góða kalla á sama tíma og MS eru vondu kallarnir þá minni ég þá á að ástæðan fyrir að IBM eru ekki "vondu kallarnir" lengur er sú að þegar þeir voru í svipaðri einokunnarstöðu og MS nú á dögum þá voru MS "góðu kallarnir" sem velltu þeim úr sessi, og eins og í öllum ævintýrum þá veltiru ekki vonda kallinum úr sessi öðru vísi en svo að þú tekur sjálfur þann sess þegar fram líða stundir.

Ég held bara að tími MS sem einokunarbúllu sé lokið á sama hátt og tíma IBM lauk upp úr 1981, nú er bara spurningin, verða góðu öflin happadrýgri í þetta skiptið við að sleppa við að taka sess MS sem vondu kallanna.

PS. meðan ég var að hamra þetta inn vann ég miða á Corpse Bride forsýningu á X-FM þannig að ég er að fara í bíó á næstunni, spurning hvern maður tekur með sér ;)

Jólin

2005-10-24T12:29:00.000Z

Já Elín jólin eru sko heldur betur að bresta á! Í þessum töluðu orðum er verið að hengja upp jólatré og annað jólaglingur í Kringlunni. Ég verð nú að viðurkenna að mér finnst fullsnemmt að ráðast í jólaskreytingar alveg strax, þó að óneitanlega lífgi þetta nú soldið upp á daginn.

Helgin..

2005-10-24T11:15:00.000Z

.. var alveg ágæt, held ég verði bara að segja það. Á föstudag var farið í vísindaferð til Heklu, þar sem þeir kynntu fyrir okkur rekstur fyrirtækisins sýndu okkur Benz og Golf og gáfu veitingar með öllu saman, þegar líða fór að lokum ferðarinnar var svo dreginn út bíllinn sem var í vinning í happadrætti Stúdentafélagsins og var það stelpa úr viðskiptafræðinni sem var svo heppin að fá afnot af nýjum Golf fram í júlí. Ég verð nú að viðurkenna að ég öfunda hana nú pínu. Nú næst var haldið í partý útskriftarráðs tölvunarfræði og viðskiptafræðinema við HR þar sem ég var í góðum félagsskap bekkjarsystkyna minna Palla, Elínar, Árna, Dodda og Önnsku og voru drykkir teygaðir með miklu jafnaðargeði og spjallað um landsins gagn og nauðsynjar.

Því næst héldu Árni, Doddi og ég í bæinn og rákumst á Ævar á leiðinni og vonuðumst til að hitta hann eitthvað í bænum, eftir mikið kapphlaup milli staða urðum við svo sáttir á að Doddi færi bara á Sólon og við Árni settum stefnuna upp Laugaveginn í leit að fjöri, settumst aðeins inn á 22 til að hvíla okkur á leitinni að fjörinu og viti menn þar leið okkur bara ágætlega og lenntum á spjallið við skemmtilegt fólk, Helenu sem er nýflutt til landsins eftir langa búsetu í Danaveldi og Heiðríkur, (verð að viðurkenna að ég man ekki nafið á honum nákvæmlega), en hann er Færeyingur og er að nema tónlist við LHÍ. Nú það er skemmst frá því að segja að við sátum á efri hæðinni á 22 til 4 og fylgdumst með misfrækilegum viðreynsluaðferðum fólksins sem var statt á staðnum.

Laugardagurinn fór svo að mestu fyrir lítið, var bara engan veginn í stuði til að fara að vinna einhver skólaverkefni, langaði bara að sofa aðeins og slaka á en var kallaður í vinnu. Um kvöldið stóð svo til að taka lífinu með ró og fór ég kanski fullgeist í þeim efnum allavega sofnaði ég í sófanum hjá vinkonu minni yfir kvikmyndaglápi, hún sofnaði reyndar líka þannig að við steinsváfum þarna langleiðina í hádegi.

Sunnudeginum eyddi ég svo í að lesa tutorial um Python til að vinna reikniritaverkefnið mitt í því en held svo að þegar upp er staðið þá verði ég fljótari að klára þetta verkefni í C# þrátt fyrir marga tímasparandi kosti Python sökum þess að ég kann soldið á C# en kann ekki neitt á Python, hins vegar hef ég lofað sjálfum mér að ég á eftir að æfa mig soldið í Python í framtíðinni bara svona til að hafa smá tilfinningu fyrir málinu :D

Jæja nú held ég að það sé komið gott af þessu rausi í bili sendi kanski eitthvað gáfnastykki hér inn seinna í dag, nú eða ekki.

Í fréttum er þetta helst...

2005-10-24T10:41:00.000Z

Jæja, það var erfitt að vakna í morgun, aðallega sökum þess að ég lent í maraþon símtali í nótt og fór því ekki að sofa fyrr en um hálf 4. Enda steinsofnaði ég líka í fyrri stærðfræðitímanum, svona rétt um það leiti sem ég var búinn að ræsa upp fréttasíður dagsins :P en það sem mér fanst áhugaverðast í morgunlesningunni voru nú helst þessi atriði:

Af einhverri ástæðu hafa bókaútgefndur í henni stóru Ameríku ákveðið að framtak Google að búa til uppflettileit í öllum útgefnum bókum stangist á við hagsmuni höfundarrétthafa. Það sér það náttúrulega hver maður að þeir hafa rétt fyrir sér í þessu alveg á sama hátt og tónlistarútgefendur og kvikmyndaframleiðendur, enda getur það varla verið líklegt til árangurs í sölu á höfundarréttarvörðu efni að neytendur hafi einhverja leið til að komast að því hvaða efni viðkomandi gæti þótt áhugavert að kaupa sér, svo ekki sé talað um að ef neytandinn þarf að leita að ákveðnum upplýsingum að hann geti það á þægilegan hátt, (þægilegt verandi að þurfa ekki að ferðast milli allra bókasafna í heiminum), til að finna þær.

Ég held að útgefendur á höfundarréttarvörðu efni ættu að reyna að hætta að rembast eins og rjúpan við staurinn að berjast móti framþróun í tækni og frekar reyna að sjá markaðstækifærin sem gætu opnast við nýja tækni og nýta sér hana. Hmmm eða reyndar í tilfelli hljómplötuútgefenda og kvikmyndaframleiðenda þá er það kanski ekki svo sniðug hugmynd held við þurfum ekki fleiri Britney Spears/Boybands eða Rocky 2000, enda virðist svo vera að sjálstæðir framleiðendur með frumlegt efni séu frekar að nota sér þessa leið til markaðssetningar með góðum árangri.

Nú réttarkerfið í Bandaríkjunum með dyggri aðstoð fréttamiðla vestan hafs fer aldeilis á kostum þessa dagana, þeim finnst verra mál að nokkrir einstaklingar sem var stungið í steininn fyrir að skrifa innistæðulausar ávísanir og sambærilega "glæpi", alvarlegastir af hverjum eru sennilega að eiga fíkniefni til eigin neyslu var hleypt út nokkrum dögum fyrr en átti að gerast, hins vegar virðist sem þessir aðilar láti sér í léttu rúmi liggja að einhverjir sem sátu inni fyrir álíka "glæpi" fengu að dúsa í steininum álíka mikið of lengi. Ég verð nú að viðurkenna að mér finnst alvarlega að láta mann sitja inni of lengi heldur en að honum sé sleppt út fyrir tíman, enda er það held ég sannað mál að fangelsisdvöl hefur ekki verið mannbætandi fyrir nokkurn mann, reyndar veit ég ekki með Árna Johnsen sem virðist hafa tekið of bókstaflega að þetta væri kallað að dúsa í steininum og gerði tilraun til að breyta öllu grjóti sem hann fann í stórbrotin "listaverk" með miklum þunga.

Jæja og svona síðast en ekki síst þá hafa verkfræðinemar við MIT gert tilraun til að sýna fram á að Archimedes hafi ef til vill tekist að kveikja í skipum Rómverja með því að nota skildi hermanna sem safnspegil, þetta er soldið skemmtilegt í ljósi þess að Mythbusters hafa áður gert slíka tilraun án árangurs og fengu því þessa MIT nema til að gera tilraunina aftur á bát fyrir þáttin en þá tókst þetta víst ekki alveg :(

Bjór, bjór, bjór

2005-10-20T19:00:00.000Z

Sennilega mundi nú líða yfir mig ef ég drykki þyngd mína í bjór

To drink my weight, I would have to chug 241 bottles of beer!
How big is your beer
belly?
Powered by the mighty Rum and Monkey.

en þetta er nú ekkert minna skemmtileg staðreynd fyrir því, ég gæti kannski reynt að framkvæma þetta annað kvöld í vísindaferðinni :P

Tónlist í brjóstin já!

2005-10-19T19:41:00.000Z

Samkvæmt þessari frétt Ananova - Musical breast implants þá geta konur í framtíðinni fengið mp3 spilara í brjóstin með silikoninu :P

Held ég hafi nú bara aldrei heyrt annað eins bull. Þetta hlýtur að geta valdið óþægindum, og hvað með okkur karlana fáum við ekki svona eða getum við bara hækkað tónlistina í botn á konunni þegar við erum í rúminu með henni :P En þetta býður samt upp á marga sniðuga möguleika.

En spurning hvernig STEF og Ríkislögreglustjóri ætla að gera búnaðinn upptækan meðan rannsókn á hugverkastuldi færi fram efast um að það væri auðvelt að fá leyfi til að rannsaka mp3 spilarann mjög nákvæmlega þar sem það gæti flokkast sem kynferðisleg áreitni!

Allt dettur mönnum í hug

Nú skil ég afhverju svona margar stelpur passa börn

2005-10-19T15:16:00.000Z

Því hér eru kynlífssöguklysjur internetsins. Þetta er semsagt samsafn af helstu klysjum úr dónasögum netverja. Merkilegt hvað það er margt þarna sem virðist ná að halda lífi þó svo að hver heilvita manneskja ætti að sjá að það gengur ekki upp.

2005-10-17T15:08:00.000Z

Sko menn með þetta gáfnafar ættu nú bara að vera til sýnis.

Neowin.net - Neowin's Strange News of the Week: Note to self.....

Nú þykist maður vera byrjaður aftur að blogga :P

2005-10-17T14:18:00.000Z

Jæja, nú hef ég ekki lengur afsökun fyrir að hafa ekki postað neinu hér inn. Skellti þessu bara hérna inn á blogspot til að geta tjáð mig þó svo að vefsvæðið mitt sé í lamasessi, svo flytur maður þetta bara aftur heim þegar ég er búinn að skrifa nýja vefsvæðið mitt :D

En þar til ég verð búinn að því verða allir broskallarnir í textanum týndir.

2004-01-26T16:05:00.000Z

Jæja það er nú ekki fyndið hvað ég er orðinn latur að skrifa eitthvað á þetta blog. Hef reyndar ekki nennt að nördast neitt í lengri tíma nema þá helst að spila eve on-line eða spjalla við fólk á msn. Ég gerði nefnilega þau mistök að fara að lesa The Wheel of Time seríuna eftir Robert Jordan, og verð ég að segja að þetta er einhver rosalegasta langloka sem ég bara man eftir, spurning hvort maðurinn hefði ekki betur átt að skrifa söguna frá færri sjónarhornum, það er alla vega mín skoðun. Bróðir minn teiknaði upp nýtt útlit á síðuna og ég ætla að reyna að koma því upp á næstu dögum vonandi kemur það betur út en núverandi horror.

Bless í bili.

2003-12-18T00:05:00.000Z

Jó dúds!!

Var að koma heim af forsýningu á Return of the King og eina sem ég ætla að segja við fólk er: ekki kaupa stóra kók í hléinu hún er soldið löng, nema náttúrulega þið sem hafið endalausa partýblöðru hehe

Take care

2003-12-17T16:29:00.000Z

Hæhæ.

Það eru að koma jól, jei Ég var að sitja á smá kynningu í tilefni af því að Púkinn var að koma í nýrri útgáfu. Gaman að heyra hvað allir virðast vera bjartsýnir þegar kemur að því að nota okkar ástkæra og ilhýra í tölvutækninni. Þarna tjáðu sig meðal annarra menntamálaráðherra og Eiríkur Rögnvaldsson forstöðumaður tungutækni í Háskóla Íslands (ég biðst forláts ef ég er ekki með nafnið eða titillinn alveg réttann).

Æ hvað það verður nú gott að komast í jólafrí mitt byrjar eftir þessa viku og stendur til 5 janúar það verður SVOOOOO gott. Verst að ég veit ekki alveg hvað ég á að kaupa í jólagjafir fyrir þessi jól Lísa vinkona mín er sérstaklega erfitt "keis" ég spurði hana hvað hana langaði í og það varð eitthvað fátt um svör, kannski ég gefi henni bara eitthvað skrítið td He-Man kall. Hmmmm ætli þeir séu ennþá til??

Nú lofa ég bót og betrun og ætla að nota jólafríið til að taka til á vefnum og gera hann aðeins flottari og ætla svo að vera ennþá duglegri að blogga hér eftir, ehhem það verður nú að koma allt í ljós svo sem en vonandi gengur það eftir

2003-11-22T19:57:00.000Z

Jæja ákvað að bæta við archiving á þetta dót sjá hvernig það virkar

2003-11-22T19:53:00.000Z

Jæja, það er bara komin laaaaaaaaaangur tími síðan ég skrifaði eitthvað síðast. Fór í smá fýlu út í þetta eftir að ég póstaði þarna um daginn og eftir að skirfa heila ritgerð gleypti blogger dótið og týndi því

En það þíðir ekkert að vera í fýlu og leti endalaust (jólin að koma og svona). Annars hefur nú ekki verið mikið að gerast hjá mér annað en endalaus vinna, ég skil ekki hvað það getur verið mikið að gera hjá einu fyrirtæki. Oh jæja annars á maður náttúrulega ekki að kvarta yfir þessu það er þá allavega ekki hætta á að manni leiðist í vinnunni á meðan, enda ef manni fer að leiðast í vinnunni þá þarf maður að leita að annarri vinnu og satt best að segja þá er það með því leiðinlegra sem ég veit um.

Annars er ég að hugsa um að lagfæra síðuna mína aftur, hef ekki gert handtak í því að vinna eitthvað í henni lengi lengi. Svona svipað lengi og ég hef slept því að skrifa eitthvað hér.

Ég hef fengið nokkur komment um það hvernig þetta gæti litið út og er svona að melt með mér hvernig væri best að koma því í kring. Ef einhver er duglegur að koma hér þá hefur viðkomandi væntanlega tekið eftir lítilli mynd á forsíðunni af foreldrum mínum að taka fyrstu skóflustunguna að nýja húsinu sínu, þetta var tilraunastarfsemi til að fá myndasíðuna til að virka. Nú hef ég slakað svo vel á að ég þarf að skoða þennan kóða aftur og vita hvort ég get ekki fengið þetta til að gera sig almennilega og þá um leið bæta einhverju meira af efni á síðuna svona eins og linkum á sniðugt dót svo eitthvað sé nefnt.

Jæja nú er mál að linni og ég ætla að gera copy-paste á þetta áður en ég sendi þetta inn svona til öryggis.

Lifið heil

2003-10-15T23:18:00.000Z

Jæja er ég ekki heppinn í dag. Var búinn að skrifa heillanga sögu um allt sem hefur gerst hjá mér síðan ég postaði einhverju hér síðast en smellti á vitlausan hnapp og týndi öllu stöffinu mína ARGH Nú er ég bara allt of pirraður til að skrifa þetta hér aftur þannig að þið fáið bara ekkert að vita um þetta.

skemmtið ykkur þar til næst

2003-10-06T17:29:00.000Z

Úff þetta myndastuff ætlar aldeilis að vera leiðinlegt við mig núna er ég búinn að finna út úr hluta af þessu nema að þetta vill helst bara gerast á vitlausum tímapunkti. Oh well sjúm hvað ég get nördað þessu í gang í kvöld

2003-10-05T00:30:00.000Z

Mér loksins að finna út úr þessu sem var að bögga mig í gærkvöldi, jey. þannig að nú er ég að einbeita mér að því að gera restina af síðunni sómasamlega

2003-10-04T18:18:00.000Z

Þetta hefur verið til þessa að gera stuttur dagur (allavega er hann búinn voða snemma).

Var að vesenast í breytingum á síðunni minn fram á kvöld í gær og var orðin svakalega þreyttur og pirraður á að hlutur sem ég ætlaði að fá til að gera ákveðna virkni virkaði en drap þá linkana mína en svo þegar ég lagaði þá´, þá hætti hitt að virka og vildi ekki fara í gang aftur.

Í hádeginu fór ég svo í mat til afa og ömmu og spjallaði við þau á eftir. Þegar heim var komið þurfti víst að þrífa soldið hér heima og er ég bara að setjast hér niður núna til að reyna að bjarga því sem bjargað verður á þessari síðu en helst þó að ganga frá henni þannig að ég geti farið að sjá myndasafnið birtast hér og svona ýmislegt fleira smálegt

Jæja ætli það sé ekki best að reyna að lesa eitthvað sem hjálpar mér að fá þetta til að virka.

Bæ í bili

2003-10-03T21:02:00.000Z

Jæja nú alltaf að lagfæra nú er ég búinn að gera smá endurbætur á síðunni minni og með því að stelpa pínu frá Big Blue Ball þá er ég kominn með alla broskallana úr MSN6 þannig að nú get ég gert svona og svona og jafnvel svona . þannig að þetta verður svaka sætt

2003-10-03T17:09:00.000Z

Jahérna hér! Ég hef bara sjaldan upplifað aðra eins daga og núna í dag og í gær. Það hefur ekki verið eitt heldur allt of mikið að gera, en nú er komin helgi þannig að ég (og við öll) get tekið því að mestu rólega yfir helgina :-)

Spurning hvað maður gerir sér til skemmtunnar um helgina. Allavega hefur gæsaveiðiferðin frestast um óákveðinn tíma sem þíðir að kannski kemst maður bara ekki neitt á gæs :-( Spurning um að kíkja í bíó veit ekki betur en að það sé slatti af nýjum myndum í bíó sem gæti verið gaman að skoða.

Lifið heil

2003-10-02T20:51:00.000Z

Jæja þá er ég búinn að breyta aðeins og bæta útlitið á þessari síðu og vil gjarnan fá komment á hvernig þetta er heppnað og endilega ekki skafa utan af skoðunum ykkar því ég vil gjarnan fá allar athugasemdir sem ykkur detta í hug, svo ég geti nú reynt að lagfæra útlitið á þessu og lífga upp á það ;)

Bæ í bili ;)

2003-10-01T16:53:00.000Z

Hæ hó, þá er dagur að verða að kveldi kominn og að verða kominn tími til að koma sér heim á leið

2003-10-01T07:19:00.000Z

Jahérna ég bara ætlaði ekki að komast á fætur í morgun. Var búinn að lofa sjálfum mér að koma mér af stað kl 5 í morgun, misreiknaði samt dæmið og stillti klukkuna á hálf 6 en það dugði samt ekki til ég vaknaði ekki fyrr en um 7. Þannig að nú hef ég minni tíma til að ljúka því sem þarf að ljúka í dag :( Jæja ætla að halda áfram að vinna

2003-09-30T19:50:00.000Z

Jæja, nú er búið að taka fyrstu skóflustunguna að nýja húsi foreldra minna, myndir birtast þegar vefurinn verður fullkláraður að öðru leiti en þessu "bloggi". Við skoðuðum lóðina og komumst að því að sennilega verður bara mjög gott útsýni yfir suðurhluta Elliðavatns og á Bláfjöllin úr stofuglugganum og nokkuð gott pláss í næstu lóðir, sem ég verð nú að viðurkenna að virka nú hálfpartinn eins og frímerki við hliðina á þessu hrikalega landflæmi sem gömlu hjónin fengu úthlutað.

Jæja ég er loksins byrjaður á því sem ég lofaði mér í upphafi og það er að breyta útlitinu á þessu dóti. Byrja með því að koma heimasíðunni minni í rétt horf og láta það útlit svo flæða yfir á þetta blogg. Vonandi gengur þetta hraðar hjá mér í kvöld.

Sjáumst.

2003-09-30T13:30:00.000Z

Jæja! Ég stóð nú ekki alveg við loforð gærdagsins um að losa mig við þennan ógeðslega appelsínugula lit í gær.

Dagurinn í dag er búinn að vera busy byrjaði með símtali þegar ég var á leiðinni í vinnunna þar sem var komið upp vandamál sem varð að bjarga, svo hefur bara verið almennt séð mikið að gera.

Þetta væri svo sem í góðu lagi ef dagurinn hefði ekki byrjað á vitlausum enda hjá mér, ætlaði að vera svaka duglegur að vakna og koma mér í ræktina áður en ég færi í vinnunna en ég steinsvaf á mitt græna eftir að bylta mér í tæpa 2 tíma þegar ég var að reyna að sofna í gærkvöldi.

Jæja ætli það sé ekki best að halda áfram að vinna það gengur víst ekkert af verkefnunum mínum örðuvísi

2003-09-29T18:34:00.000Z

Jahérna hér!!

Ef maður hefur ekki troðið sér í hóp fjöldans og ákveðið að opinbera allt bullið sem maður getur látið út úr sér á opinberum vetvangi og það svo opinberum að það er hægt að lesa þetta hvar sem er í heiminum :/

Jæja það verður þá aldrei verra en svo að fólk í kringum mann kemst að því hversu bilaður á geði maður er í raun og veru. En nú er nóg komið af kjaftavaðli og næsta skref er að drepa þennan hrikalega appelsínugula lit og reyna að fá flottara look á þetta ;)

Adios í bili :þ